డాక్టరు యం.ఫ్ గోపినాధ్ "నా పొగరు మిమ్మల్ని గాయపరచిందా? అయితే సంతోషం!"

కులాల పాకుడురాళ్ళపై ఎగబాకి వచ్చిన దళిత జీవితాలు ఇప్పుడు ముద్రణ పొంది మనందరి ముందుకు వచ్చి జఠిలమైన ప్రశ్నలు వేస్తున్నాయి. ఎన్ని తరాలకూ మారని రాజకీయ ఆర్ధిక చిత్రాన్ని గీసి చూపించి సమాధానాల కోసం గల్లా పట్టుకొని అడుగుతున్నాయి. గుండె, గొంతు ఒకటే చేసి ఈ పుస్తక జీవితాలతోఖచ్చితంగా సంభాషిద్దాం. నిజాన్ని నిప్పుతో కడుక్కోవాలిసిందే.ఎక్కువకాలం మనం నిజంగా మనుష్యుల్లాగా ప్రవర్తించలేదని నిజాయితితో ఒప్పుకోవాలిసిందే.ఇంతకాలం ఈ వ్యవస్థలోని అన్ని సామాజిక రుగ్మతలకు మనం మారకపోవడమే కాదు,మాట్లాడకపోవడం మూల కారణమన్నదాన్ని ఆత్మసాక్షిగా కారణభూతులైనవారందరం మనమే కదా.ప్రాయశ్చితంతో నడివీధిలో ముక్కును నేలకు రాసుకోవాలి.జీవనయానంలో గౌరవఫోరాటంలో తనదైన పోరాడే బాటను, ప్రశ్నించే పటిమను అక్ష్రరబద్దంచేసి అద్దంలో చూపినారు.నాకు నచ్చలేదని ఎలా విసిరి కొడతావు?. డాక్టరు యం.ఫ్ గోపినాధ్ "నా పొగరు మిమ్మల్ని గాయపరచిందా? అయితే సంతోషం!" మూగబోయిన ఒక గళం సంధించిన అక్షరంతో ప్రశ్నించిన ధర్మాలెన్నో?

జాగేలరా మువ్వగోపాలుడా? 07/07/2013.

జాగేలరా మువ్వగోపాలుడా?

 
నా కళలను, నా కలలను, నాదికాని
నామనస్సు కూడా నీ తలపులలోకంలో
తడసి ముద్దగా మారినదానను నేను
చరణదాసిగా నన్ను నేను నీకుగా

నైవేద్యంగా ఆవిష్కరించుకుంటున్నా
తొలిసారిగా మూగనోము వీడి
సుమభావాల మాలికలతో మాలగా
కట్టి వాకిటిముంగిట రంగవల్లులతో

అభిసారికగా అవతారమెత్తినాను
క్షణమొక యుగంగా నీరాకకోసం
రాధికనై నిలుచున్నాను మువ్వ గోపాలుడా.
జాగుసేయక వేగమే దరిజేర రావేమిరా.
07/07/2013.

అప్పుడు _____ ఇప్పుడు.

 అప్పుడు _____ ఇప్పుడు.

  నెచ్చెలి  నువ్వున్నప్పుడు
 ఎక్కడ మల్లెలు కనిపించినా
 నీసిగలో తురుమాలన్న
 తపనతో  పరితపించేవాడిని.

 ఇప్పుడు మల్లెలు కనిపిస్తే
 నీజ్ఞాపకాలతో నాహృదయం
 వక్కలవుతుందన్న భయంతో
 సందుగొందుల్లో భయంభయంగా

 సాగిస్తున్నా నాజీవనయానాన్ని.
 నీవు లేవు , నీతోడి జీవితం
 తలుపుకు వచ్చినప్పుడల్లా
 నాచితిపై నేనే నెయ్యిని

 నాదైన పెద్ద గరిటతో
 నైవేద్యంగా గుమ్మరించుకుంటున్నా.
 జీవితమంటే తళుకుబెళుకుల,
 మెరుపుల మరకల వలయపరివర్తనమా?
                       17/07/2013.

Ramachary Bangaru క్రిష్ణ మేఘాలు కురులువిప్పి ఆరబెట్టుకుంటే
కోనసీమ అందాలు వింజామరలై వీస్తున్న తరుణాన
తరుణీమణీ మదిలోని కోరికలు సిగ్గుల మొగ్గలై
పూస్తున్న వేళా రగులుతున్న మొగలిపొదన
బుసలుకొడుతున్న జంటను గని మరులుగొన్న
మన్మధుడు అదునుచూసి పదునైనా విరిబాణాలను వడివడీగా వదలడా.
July 17 at 2:55pm • Unlike • 8


Ramachary Bangaru బాలభానుని నులివెచ్చని కిరణాలతో ఆమని
రాత్రంతా స్రవించిన అశ్రువులతో అరుణిమలా తోస్తుంది
కొన్ని కాగితపు పూలు మరికొన్ని మందారాలుండొచ్చు
ఈ చెట్టు నీడలో సేదదీరబోయే ప్రేమికులకు ఖాళీ బల్ల
ప్రేమసింహసనమై స్వాగతం పలకొచ్చు
తరుణీమణి నుదుట సింధూరమై భాసిల్లునేమో
గతం కన్నా వర్తమానమెప్పుడు వైవిద్యభరితమే.
July 15 at 5:32pm • Unlike • 8


Ramachary Bangaru నీతలపులతో మురిసి నామది నిండగా
నీకే చెప్పాలని దాచుకున్న వూహలకు రెక్కలొచ్చి
యెగిరిన వేళ నీకొసం నీ రాకకోసం వేచిన
చకోరి లాంటి నాకు వేకువనే నీపాదమంజీరవర
స్వరంలతో అనురాగవర్ణాల ఆమని వై వచ్చావు
ఈజగతిలో రాగరంజితాలు హరివిల్లుల జంటగా విరిసాయి/మురిసాయి..
July 14 at 10:50am • Unlike • 10


Ramachary Bangaru మురిపాల ప్రేమ ముద్దుగుమ్మ మొహంపై
లేతచిరునవ్వై వలపుగులాబిగా మురిసిపోతుంది
ముగ్ద మనోహరి ఇక సిగ్గుల మొగ్గగా పూయనుంది
జంట వలపుతలుపుల స్వప్నాలు ఫలించినవేళా
ఈజగతికే అమని శోభల ఆగమనమే కదా.
July 10 at 5:51pm • Unlike • 7


Ramachary Bangaru ప్రక్రుతిమాత శోకం కట్టలుతెగిన అగ్రహంతో
కడలి కెరటాలమాదిరి కన్నెర్ర జేసిన ఆక్షణంలోనే
ఈ జగతిలోని మనందరి జీవితాలు టప్పున పేలే
నీటిబుడగలే అన్నది నిజం సుమా
నిదానించి నింపాదిగా గనుమా మిత్రమా.
July 11 at 10:20am • Unlike • 9


Ramachary Bangaru పాలబుగ్గల పసిడికాంతుల
చిన్నారిబాలుని చిరునవ్వుల
జలపాతంలో తడిసిముద్దైన
ఈతనేర్చిన ఈతాత వానిలో
తన చిన్ననాటి తలపుల
మైకంలో తలమునకలైనాడు
ఆటంకపర్చకుండ అవలోకించండి.
July 12 at 9:25am • Unlike • 8


Ramachary Bangaru అనుక్షణం అవేదనలతో దిగులు మేఘాలగర్జనల
పరివ్యాపితతో మసకబారి భారమైన ఆకాశమంటి ఇంతి మనసుకు
సాక్షిగా భారజలమంటి కన్నీటి బొట్టు భారంగా స్రవిస్తుంది
జారిపడేకన్నీటి అణుకణం క్షణంలోనే అణ్వాస్త్రమే ఈ జగతిని
కడతేర్చకమునుపే అజ్ఞానాన్నీ వీడి జాతిమనుగడకోసం
దైవకణం కన్న మిన్నైన మూలకణంవంటి పుడమి
తల్లిలాంటి తరుణీమణులను కాచుకుందాం
July 10 at 9:14am • Unlike • 6


Ramachary Bangaru ఆదారంటా పర్చుకున్న ఆకుపచ్చనిదనం
చిలకపచ్చ చీర కట్టుకున్న అమ్మలాగాకనిపిస్తుంది కదూ
వూరికివెల్ళ్తానన్నప్పుడు ఎదురొచ్చి అంతామంచే జరగాలి అనే అమ్మలా
ఈదారంటాపొతున్నారు ఈజగతిని పరిరక్షించే దాతలు,భావితరాలకు
స్ఫూర్తిదాతలు మీరేకావాలంటున్న చెట్ట్లనీడలో సేదదీరి పొగొట్టుకున్న
చిన్నప్పట్టి అమ్మవొడితాలుకు కమ్మదనంలో వోలలాడుదామా
July 8 at 7:46pm • Unlike • 6


Ramachary Bangaru చిత్రంలోని కమనీయ ద్రుశ్యం నుండి కనుపాపల ద్రుష్టి మరలచకండి
అప్యాయతలనే పోచలతో కట్టిన గుడిలో ప్రేమల వర్షంలో పరవశించండీ
ఇల్లు విశాలంగా లేకున్నా ఈజగతిలో మీ హ్రుదయాన్ని విస్త్రుతపరచి
కనీసం మీ కుటుంబంతోనైనా అనుబంధాన్ని పంచుకోండి
మీరు మూటగట్టిన సంపదలేమి మిగలవు లేండి
చిత్రంలోని గూడు తుఫానులను ఎదిరించి నిల్చుంటుంది
ఇది మాత్రం తరతరాలకు చెరగని తరగని సత్యం సుమండీ.
July 7 at 9:52am • Unlike • 12


Ramachary Bangaru మదిలోని చెలికాడు
భువిపై నానెలరేడు
అరుదెంచనున్నాడు
నేడు కలువను నేను
రాబోయె చంద్రుడు తాను
మది ఆనందాల నిండుకుండ
తనసన్నిధిలో నేను బోర్లేసిన కుండ
July 7 at 7:55am • Like • 6


Ramachary Bangaru కాలం-కడలి-ప్రేమతీరం.
రచనాకాలం
01.07.2012
చిన్నప్పుడెప్పుడో నేను
నీతోకూడా వచ్చికట్టిన
పిచ్చుక గూళ్ళను
కబళించే క్రమంలో
కెరటాలను బుజ్జగించేసి
గూళ్ళలను నిలిపి నిన్నునన్ను
పరవశింపజేసినవాడు
సాగరుడు గుర్తున్నాడా?
బాలరాముడిగా నేను
మురిపాల మల్లిగా నీవు
మురిపెంతో చేమంతిలాంటి
బంతిని మనం విసిరేసి
బిక్క మోహలతో
చిన్నబుచ్చుకున్నాం
తాను గద్దలా మింగినా
ఇవతలకు నెట్టిన బంతితో మనకు
చిరునవ్వులు పంచాడు మిత్రమా
కలసి మనం రాలేదని
కాలం కూడా తనకుతాను
కడలిగామారి తన గోసను
రాతిపర్వతాలను కోసే
కన్నీటిగొంతుకతో ఎనలేని
రోదనలతో ఘోషిస్తుంది విన్నావా
వినీల క్రాంతి ప్రతిభావర్తనమా.
ఈ కడలి అంచున ఎన్నో ఏళ్ళుగా
నా అన్వేషణం నీకోసమే కదా
అలల గలగలకు నాపాదముద్రలు
తుడుచుకుపోవచ్చునేమో గానీ
మదిలోని వూహల వూసులకు ఆశల
మొలకలెత్తిన వేళా రాయంచగా మారి
రేయి పగలు నీధ్యాసలోనే నాజీవనం
కనిపించవేమి నేస్తం కనులారా చూడగా
చితిలోనైన నిలిచి వెలిగేదే నీపైనాకున్న
ప్రేమంత నిజం నన్ను చూడవేమి ప్రేయసి
నాదొక విన్నపం వినండి సకలజనులారా
గ్రహంతరాలలోఇ జీవరాశిని శోదించిన
మహోన్నత విజ్ఞ్యాన శాస్త్రవేత్తల్లారా
చిన్ననాటి నాచిరు నేస్తం
ఒకనాటి నాప్రేమదేవతను
నాప్రాణానికి ఆమే ఉదజనీని
ఈకడలి అంచున నిలిచి పొందిన
ఆనందాన్ని తిరిగి పొందగలనా?
మీరే చేతులెత్తినాక
ఆమె సాన్నిత్యం లేని ఈజగతిలో
నాకిక మిగిలిన ఈ సంపదలన్ని
పిచ్చివాడు తొడుగుకున్న
చిరుగుల కోటులో దాచుకున్న
చింపిన గాలిపటాలే కదా.
ఈకడలి అంచున నిలుంచొని
కడసారిగా ప్రార్దిస్తున్నా మిత్రులారా
ప్రేమను మించిన పెన్నిది లేదన్నా
తోటరాముడిలా నేనేమి వీరుణ్ణి కాను
శిధిలమైన ఈ గుండె గుడిలో
ప్రేమ దివ్వెను వెలిగించలేను
మ్రుత్యువు కరుణకోసం ప్రేమనే
శిలాసుందరిని కంఠాభరణమని
సాదరంగా స్వాగతిస్తాను
సాగరుడు అన్నింటిని ప్రేమతో
తనలోకి లాక్కుంటాడు అట్లాగని
తనలోని సంపదలన్నింటిని
దేన్ని దాచుకోడు చివరికి
(వి) గతజీవినైన నన్నుకూడా
వొడ్డున పడవేస్తాడు
నిశ్చలంగా,నిర్దాక్షిణ్యంగా
వర్తమానంలోని సమాచారంగా
రేపటి తరాలవారి చరిత్ర కోసం
ప్రేమసంపుటంలో ఒక పేజిగా
( తాత వయస్సులోనున్న మాలాంటి వాళ్ళ చేత కూడా ప్రేమ కవితలు
వ్రాయిస్తున్న ఎందరో ప్రతిభామూర్తులైన గ్రూపుల నిర్వాహకులకు
దన్యవాదాలతో )
July 1 at 6:35pm • Unlike • 1


Ramachary Bangaru ఆమనిలో కోయిల పాడిన
వలపు వసంతాల గారాల
సరాగాల, అమ్రుత గానానికి
ఆకాశంలోని హరివిల్లులన్ని
వర్ణమాలకు హరం కాగా,
దివినుండి ప్రేమ దేవత
నవరాగాల నగుమోముతో
నా వలపువనాన వరాలిచ్చే
ప్రేమమూర్తిగా దర్శనమిచ్చింది
ఈమూగ ప్రేమికుడి మదినిండా
పరవశపు సుధానందాల జడివానే కదా.
July 1 at 10:28am • Unlike • 3


Ramachary Bangaru ఈ జగతిన అత్యంతధనవతుడిగా
విఖ్యాతినొంది విలసిల్లుతున్నా
నీప్రేమకై తపిస్తున్న అభ్యాగున్నీ నేనే
ఫకీరును నేనే వో అమ్మీ,
నన్ను నామాటలను నమ్ము వో సుమ్మీ.

July 1 at 11:19am • Unlike • 2

// నా గుండె గోడు//.

// నా గుండె గోడు//.
రామాచారి బంగారు.

మో(ఖా)హనికి ముసుగేసుకొని
బండబారిన హృదయంతో
మొండికత్తితో నా గుండెను
కోసి నను మార్చినారు శవంగా.

నీపై మరులుగొన్న నా మనసేమో
నిను వీడి నావైపుకు రానంటుంది
నరాలను పూరికోసగా పేని దబ్బనంతో
గుచ్చి గుండెను పదిలపర్చమంటోంది.

06|05|2013.

//మానని గాయంపై మమత //.

//మానని గాయంపై మమత //.

రామాచారి బంగారు.

నాప్రేయసి నాచిన్నప్పటినుండి

 నాతోపాటే కలసి చదివినదే
ఇద్దరం ఒకే పాటపాడుకున్నాం
ఒకేబెత్తంతో దండింపబడ్డవాళ్ళమే.

ఎదురెదురు ఇండ్లలో ఉండేవాళ్ళమే
నేనేమో ఆటల్లో రాటుదేలినవాణ్ణి
తానేమో కోకిలతో పోటిపడి పాడేది
స్వయాన మానాయనకు చెల్లెలి కూతురే

నేను కన్న కలలు నిజమవ్వాలని
మదినిండా ఆమె రూపే నిలుపుకున్నా
చదువుకోసమే పట్టణమేగాను
మధురమైన తలపులతో పండిపోయాను,

మరులుగొన్న నామనసేమో
చెలిసిగలో విరులు తురుమాలంటుంది
కనరాని ముఖారవిందమును
కల్పనలో దర్శించి కావ్యాలెన్నో వ్రాసాను

తూఫానులో పిలువని పేరంటంగా
అపార్దాల నావ తీరం కోయగా
ఆత్మీయుల ప్రేమకు నోచని ముఖంతో
ఎన్నాళ్ళగానో బిచ్చమెత్తుకుంటున్నవాణ్ణి.

పురులిప్పిన వనమయూరి
నర్తిస్తుంటే నాకోసమనుకున్నా
కాలం నాపై పట్టుపట్టి పగబట్టిందేమో
చెలి దర్శనమే కరువాయే.

పలుకేమన్నా బంగారమని
మధనపడ్డానే కాని
ఆంక్షల పంజరంలో ఆమె
పలుకలేని మూగ రామచిలుకేమో?

బందీలోని మల్లీశ్వరి కోసం
నేను నాగరాజు నవ్వాలా
నాకంతా సాహసమున్నాదా ?
నాహృదయం బ్రద్దలుకాదా మరి!

మాఇంటివాకిట్లో నిలబడి అనునిత్యం
నను సాదరంగా పలకరించే గాజు అద్దం
విరక్తితో భళ్ళున పగిలి పలుదిక్కుల్లో
వేయి వ్రక్కలుకాగా చిందరమైనది.

ఈ హీన దీన భిక్షువు
చిరిగిపేలికలైన దుస్తులలోనుండ
నాప్రేయసి ముఖారవిందం
వక్రంగా పరావర్తనం చెంది

లక్షలాది ప్రతిబింబాలు ఒక్కసారిగా
పక్కున నవ్వి తూలనాడీనట్లానిపించే
తండ్రీ నాదెంతటి దుస్థితి ఈజగతిన
మరణమైన కరుణించదా ఈక్షణాన.
03/05/2013.

"ఉగాది మగువ "

ప్రేమను ప్రేమి౦చు ప్రేమకై' గ్రూపు నిర్వహించిన
ఉగాది కవితల పోటీలో ద్వితీయబహుమతి పొందిన నా కవిత.

"ఉగాది మగువ "

కన్నుల్లో కన్నెమల్లెల దరహసాలు
చూపుల్లో వెండి వెన్నెల జడివానలు
మంచున కడిగిన ముత్యమామె
కోనేటిలో విరిసిన కలువ కన్యేఆమే

ముత్యాల ముంగిటిని నీలరత్నాలతో
వొద్దికగా అలంకరిస్తున్న సుమలత
నవ్య వత్సరానికి స్వాగత హరతితో వనిత
స్నిగ్ద మొహన రూప లావణ్య లలిత

కుసుమ మాలిక శోభాలంకృత నివేదిత
వినీల సునయన పరిమళ భరిత సరిత
చిగురుపాదాలకు చిరుమువ్వల పట్టీలు
నేలను జీరాడుతున్న కుచ్చిళ్ళు

పుడమిని తాకి పులకరించిన వాలుజడ
ముద్దులొలికే ముద్దుగుమ్మ మృదులను గన్న
ఆనందంతో కోకిలమ్మ గానం
గున్నమామిడి కొమ్మ వాలిన వైనం కనవా

పూతేనేను మరచి నిన్ను వెన్నంటే
సీతాకోకచిలుక పడ్డాది నీ మైకంలోనే
నీవు కళల సొగసుల సౌందర్యాల కలనేతవు
అందరికి దరహసాలు పంచే ఆమని నీవే కదా!

08/0402013.